下！？

尋晚返LY開會之前又去左亞叔度食飯，唔知咩事無啦啦走鬼，好地地一檔大排檔，唔開得檯晌條街度，結果全部要坐晒入去舖頭裡面，我地都唔例外。

坐晌隔離檯的係一班雄糾糾的男士，由坐低一下開始講野已經係大聲得緊要，仲要係每個人都一樣咁大聲，而大聲的程度係全部人都大聲過樹的！然後內容係超多粗口的，多的程度係比起我更多！當推廣啤酒的小姐黎到賣酒的時候，就梗係避唔開俾佢地的口花花。

「你d啤酒係凍先好呀！」
「唔會唔凍的。」
「唔凍我真係唔放過你呀！」
「下！？」
「你有無試過俾人索吻呀！？」
「下！？」
「強吻呀！我會強吻你架！」

點呀，打工嗟，賣酒嗟，駛唔駛賣埋肉呀！？你幫襯幾支啤酒俾幾多錢呀？客大晒！
最勁的係啤酒小姐都只係「下！？」幾聲，然後都係若無其事咁「咪玩啦~~」打圓場又賣一支！
我知道都係我少見多怪，不過啤酒小姐的確係勁！

敬業樂業，你得唔得先！？

下次再見到佢我都會幫襯一支，叫俾強同康飲~~
因為佢賣的係生力~~


B

6

係晌好無準備的情況下，一入到集會所，見到counter的姐姐點解有野同我講，然後click入去上位的姐姐個邊一睇，緊急任務原來已經等緊！
於是梗係即刻班埋另外兩位高人再組轟龍隊一齊上山！
敵人係死敵轟龍，不過係打孖黎！
通常一出多數都有一隻晌1區，由於轟龍隊入面的另外兩位高人套裝都已經有千里眼，一出就已經確定有一隻晌1區，為免之後佢地有機會雙龍會然後有排煩，高人的指示都係盡力晌1區殺一隻先，費事夜長夢多！
結果第一隻殺左，第二隻捉左，順利升上HR6！

諗起做兩晚同樹兩個人上山打佢個條HR2上3的緊急任務轟龍，打轟龍樹係覺得好易的，但係我就覺得好難，於是我就好緊張咁執齊好多野先同佢上去！呢次的過程係好正的，因為我地唔係好似以往咁見龍就斬，而係打戰略，兩個人互相配合，我落穴佢放閃光掩護我，然後我斬佢佢放麻痺彈！結果將佢活捉，樹亦順利2升3，相信亦好快會晌4度等康~~

兄弟們，幾時再上山？



B
p.s. 講起千里眼，經康提一提，尋晚即刻去搵條大耳怪鳥殺左佢拎埋隻怪鳥之耳，做多一粒千里珠，而家我套裝都已經有埋千里眼功能，以後唔駛千里眼亦唔需要粉蛋喇~~

飲

尋晚因為沼澤黎左香港準備今晚Lab Yellow Session的錄音演出，於是同佢地一齊晌牛頭角食野。

無咩大不了，其實都係好平常的街邊潮流大排檔，但係當我同包同姬曉晌度等緊佢地的時候就講起呢個地方，呢檔潮流野講真無咩巴閉，但係我好鍾意佢，基本上每一次夜晚返LY做野開會前晌呢度食飯直頭係高潮之一！

唔好誤會有咩特別，實情真係無咩特別，如果夾硬要講可能都只係因為氣氛同人。

呢度有一個亞叔好好笑的，佢成日都笑的，笑得好大聲。記得有一次我自己一個人晌個度，等其他人黎，叫左支大啤，然後佢行埋黎鬼鬼祟祟咁問我：「請我飲杯得唔得？」問完我都未答佢就自己斟左一杯然後就同我飲杯！我唔單止無鬧佢亦無嬲，甚至從此之後，每次我落去食飯一叫啤酒就會叫佢拎隻杯黎斟杯酒請佢飲！尋晚因為沼澤黎，專登帶左支威士忌落去，梗係又請佢飲杯啦！

有機會的話黎到LY，一齊去佢度食個飯，同呢位亞叔飲杯啦！

B
p.s. v，強，終於唔係monster hunter喇~~

捉

終於做好套轟龍裝，然後再經高人引領之下亦完成左把鬼神斬破，上左HR5！
然後前晚同樹同康三條友一齊打左集會所的轟龍兩次，就殺左佢，累積左經驗之後，尋日決定上山打村長4星緊急任務的死轟龍！
結果一次得手！仲要係活捉佢！

直頭興奮到彈起！
不過對於我黎講，打轟龍都依然係難事，真係唔易！

B

圍

我地成日約埋一齊去打d怪獸，其實d怪獸都會約埋一齊圍你！

尋晚打左一個任務係集會所HR 4的，兩隻個d鳥一齊追你，然後竟然有一個版面同場再加上四條嘍囉，即係總共一次過六條鳥一齊圍你！我打的時候得自己一個，佢地六打一！衰過我地d人好多，我地最多都係四打一！

好彩把鬼斬破都唔算好差，d嘍囉基本上兩刀都應該會去，只要小心d避佢地，睇準d出刀，唔好俾佢地襯亂圍實你，基本上都唔算難打，尋晚都過到關！

而家我的轟龍裝已經整好兩件，仲有三件，整埋之後，村長任務的轟龍，我就黎搵你！


B

又係轟

轟龍係我地的死敵，至少暫時都係.....
尋日我地三條友一齊都慘死......
好彩尋日都叫搵左一隻蟹同一隻鳥黎祭下旗，如果唔係真係hurt爆.....
不過我地都係要打佢的，佢係樹的集會所緊急任務，反正可以一齊打，下次真係帶齊d閃光彈同陷阱去殺佢！

唉.....村長任務個條就真係有排煩.....



B

轟轟

忍唔住要即刻講，剛才跟高人打的HR6任務，除左一出已經好恐怖嚇一野之外，要講的係打咩！
我剛剛先講完晌村長任務俾條死轟龍整到我停滯不前，點知呢個任務竟然又係打轟龍，但係係兩條！！！

直頭係神經病！

但係高人把刀真係犀利到震，四刀斷尾，十幾刀就死一條，我同另外一個獵人實際上係一刀都無斬過就已經目標達成，然後就掘轟龍野喇！

要開始努力整轟龍裝同更勁的武器先得，如果唔係真係唔知點自己去打轟龍.....


B

迷

自從村長任務停滯左晌4粒星的緊急任務度，就真係完全無郁過，再加上剛過去的weekend去左台灣做野，打的時間更少......

尋晚入村，呢次決定要去集會所行下，因為其實之前上左HR4都無打過野，於是就搵隻蟹見下面。

點知去到真係覺得兩個世界，其實我之前已經聽高人講過，但係真係未夠心理準備就已經到左，HR4入面的版圖尋日見到的都係之前有去過的，但係問題係一出現的時候，你並唔係晌你的營地度，而係地圖的其中一處，感覺上係好「迷」的，而當我幾經辛苦憑之前的記憶行番去營地時發現，原來開頭係無野拎的，無地圖亦無回復藥咩都無，真係大鑊，因為原先真係大安指意諗住入去有得拎就咩都唔帶，結果更係死得好慘.....

聽講頂得到落去的話，再遲d係會出現番d野俾你的，不過就要頂得到先係~~


B

HR2 喇！

琴晚打埋雪獅子，終於上HR2 喇！ 開頭以為要清晒所有任務先上到，原來唔係，咁就易好多啦～
村長都剛升到4星，可以去火山掘野lu, 礦物好豐富！！
做了把624 + 220 雷 的大刀, 斬落去有電，爽！

轟

真係頂唔順！
轟龍真係好長命！尋晚最勁個次已經將佢斬到訓低兩次，但係最終都係俾佢亂撞咁撞暈然後一野跳埋黎整死！
我見過人地打的時候，中招都無我扣能源扣得咁多，我諗我套裝都係未夠勁........
同埋發現自己d裝備好唔足，例如個d可以將佢停住的陷阱唔夠，當然亦唔識得調合出黎(聽講係可以的)，有無強走藥，榮養藥得一野，唔係幾識用各樣唔同的炸藥，一個閃光彈都無，亦係唔識調合....

結論，其實我係學藝未精，所以根本就唔可以上山挑戰轟龍呢位世外高人......

你等我！

B

斬

原來根本唔係好難！
一直都差一樣野搵唔到，經樹提示一下，原來只要帶另一樣野去搵雪山上面的亞伯換就可以換到！
鬼斬破尋晚終於到手！

雖然仲未帶過出去用，不過已經覺得好正喇~~

B

殺

原本唔想講，因為呢度整整下好只變成左八字頭的Monster Hunter討論blog咁，所有topic同Monster Hunter有關，而且v同強哥都失埋蹤.......

不過又真係好想講.....

哈哈.... 因為而家打緊4粒星的村長任務真係好難打，個條死轟龍真係麻煩到...... 成日一野撞埋黎就已經差不多扣你一半，想慢慢打都唔得，係咁逼你逼你！

我諗可能我都係要晌其他地方做多d野，將d武器同裝備都提升多d先再去過！

B

死電龍

琴晚終於終於打死咗村長2星的緊急電龍！已經輸過五次，換過三次武器終於打死佢！！原來真係要唔驚佢，搏命d 劈佢先得！！

有三隻貓又有得upgrade 農場，正！

H