炭

尋晚再去土瓜灣的無間道後巷食炭爐邊爐，呢次終於食埋佢的燒烤，一個炭爐有個鍋，一個炭爐有個網，燒田雞、燒大蜆、燒魚扣，仲有燒司庵！今朝起身都覺得自己有炭味~~

不過個度的老闆都幾吋，但係吋得黎係好好笑的，你唔會嬲，甚至會覺得佢地都幾型。話說尋日我一個人早到，七點左右坐低就只係叫左一支青島，然後就等其他人到，等下等下等到八點幾先有第一個人黎，就晌呢個時候老闆娘走埋黎同我講：「你好叫湯底喇喎！你坐左個幾鐘先得一個friend到！係唔係架！」哈，我即時都忍唔住笑！

尋晚個度的啤酒推廣係嘉士伯，通常見到有呢d推廣，只要推廣的小姐唔特別乞人憎，推廣的啤酒亦唔係我真係飲唔到的牌子，我都總會幫襯一支的，尋日都有幫襯到，不過最後因為全部都係邦叫的，所以我地之後飲的無啦啦就變晒嘉士伯。後來推廣小姐行埋黎同我地講話佢要收工喇，請我地叫多支，ok啦，多一支都唔會飲唔到，就要啦，然後佢突然望住樹講，話樹好熟面口喎！嘩！我個心諗你收工先黎出呢d招！？點知跟住樹都話覺得呢位小姐熟面口喎！然後佢開始講喇，問樹係咪表哥..... 然後大家就「哦！」，原來佢地兩個都一齊出現過晌OASIS，而大家都識表哥！

表哥晌啤酒界真係人面超廣，去到邊都有啤酒人識得表哥！

邊個係表哥？
咪係強哥囉~~

點解佢叫表哥？
去OASIS問下啦！

B

草

早幾晚同v、樹同埋強又係去亞叔都食飯，例牌都係坐出面，其實我唔知佢地係咪都鍾意坐出面的，不過我就好鍾意，我覺得坐入面好唔舒服，坐晌街度舒服好多，可能我比較佬！同埋錯晌街邊的大排檔總係令我覺得特別有風味，尤其係香港的風味，可能係自以為啦~~

不過個晚，我覺得自己好似晌阿姆斯特丹！

正正晌我地隔離檯，有一班無上裝公仔男人，比我地早到，基本上我地到的時候佢地已經食緊，原本我一直都無理會佢地的，只係經過佢地身邊的時候覺得佢地d公仔唔夠靚，其餘就無咩。但係突然之間我個鼻聞到一d好熟識的氣味，於是我就周圍望下究竟邊度黎的，然後就見到公仔男人們傳緊一支。我突然諗點解香港會變得咁開放，當街當巷都可以......


B

耳、頭

好辛苦咁樣尋晚終於都集齊晒我要的鎧龍之延髓！
即係話我的霸龍裝已經完成！
滿心歡喜拿拿聲換套裝，但係換完之後發現，呢套裝原來以為已經有好充足的聽覺保護原來都只係得10！千里眼係無的，要自己加，另外有的就係達人，有16，仲有個叫匠的，有10，其餘就咩都無！
感覺係我都唔知自己咁辛苦做呢套裝為咩........
唯一係幾型，黑黑咁....
睇黎都係要努力d，去打黑狼鳥斬佢隻耳，做多d防音珠俾套轟龍裝實際d！
不過而家有的另一個問題係，就算我有黑狼鳥之耳都未得，因為要做到防音珠仲要一隻唔知咩蟲的頭，都唔知去邊度搵.....

即係而家繼耳、髓、毛之後，係耳、頭.....
俾我！

B

HR4都一星期了......

只有不斷的找料做勁野, 不過都幾停濟不前.

最好笑是唔識就好newsgroup問人點打, 不過d 獵人都好團結, 都說了個注意地方俾我, 等我唔駛盲摸摸去打.

我身邊除了b, hong, 外, 仲有一位朋友打, 不過就係無機會同佢約戰, 係時候要去d公家集會所同d 高手玩下, 提升我的技能.

呢度已經係一個獵人谷了...... vee無出post講佢d 開心野. 強又係無野講, 更加唔好講cat姐了.....

獵人樹

送你一張新monster frontier online 的圖片, 係轟魚裝 + 新的太刀.

耳、髓、毛

黑狼鳥之耳家到而家都只係得兩隻，仲差三隻！

不過同一時間，又有另外的兩個目標，因為我正在做緊一套新的霸龍裝，需要鎧龍之延髓同埋黃金之毛，所以要打霸龍之餘仲要打埋鎧龍同金獅子！兩隻都係晌集會所HR6的任務度可以搵到，不過同黑狼鳥之耳一樣，就算你打左佢殺左又好捉左又好，都唔代表一定可以有..... 所以都係唔知道要打幾耐先有.....

黑狼鳥！鎧龍！金獅子！
俾d耳、髓、毛黎！

B

耳

我的最新目標係黑狼鳥！
呢個名聽落都相當嚇人！

我要的係佢隻耳！

黑狼鳥之耳！因為我要用佢隻耳黎做防音珠，而家做左一粒，總共應該要五粒！如果做好五粒之後，我的轟龍裝就可以有千里眼同埋防音各15！不過可惜唔係次次打佢都有，對上一次打又無！所以可能要好耐......

黑狼鳥！俾隻耳我！

B

敗

我地三個可能都要檢討一下策略的問題，我覺得我地有時都係太有勇無謀！我覺得尋晚的連番失誤都係因為有勇無謀所致！我地都係習慣有野就斬有野就劈，大家都無咩計劃的，所以先至會打唔贏個d簡單野啦....如果我地計劃好d，以我地的裝備以樹的個人技術，無理由差到要去打條小怪鳥黎挽回信心喎！同埋我覺得我地依然係太輕敵，往往一齊打就可能覺得有另外兩個無問題的，然後野又帶得少，又唔集中，真係要檢討下至得！

總之尋晚就真係沮喪......

講得好認真，唔知我地做咩的人可能一頭霧水~~

B
p.s. 尋晚的麻辣田雞真係好食！

龍

尋晚返到屋企之後就無睇過部手機，到今朝一睇發現有兩個訊息，兩個訊息相隔一個小時。
第一個係樹的：
「sorry
我一個人殺了集會雌火龍」

第二個係康的：
「我打死了轟龍！」

兩個訊息都係好急不及待要通知我佢地的戰績，雖然樹的訊息就多左一種示威意味，因為佢係技術最好最好的一個，所以佢可以一個人自己都可以玩得好好，所以佢就威d~~ 康就真係有少少終於報到仇的感覺，因為佢已經俾條轟龍煩左佢好長的時間！其實我都經歷過！

睇下佢地的興奮，你就會知道呢個遊戲，其實已經唔止純粹遊戲，有人與人之間的競爭，亦有自己同自己的挑戰，坐埋一齊打monster hunter，傾下講下心得，價值已經遠遠比你以為的貪玩高得多！

btw，當佢地分別殺左雌火龍同轟龍的同時，其實我都打緊霞龍~~

B

一個打十個就出, 先來一個打五個!!

話說昨天晚上，我們一同五人前往了ａｐａ看ｓｕｎｓｅｔ音樂會，說其看，不如說是一半工作一半看啦，因為只是我要去賣ｃｄ，ｂｆｓｈ同ｈｏｎｇ就是去影相，ｖ加強兩位就傾野傾野再傾野。　之後完成了ｓｈｏｗ後，因ｂｆｓｈ還要去老蘭到參加一個朋友生日會，那麼我們又還沒食東西，故前往了藝穗會處ｈｅａ住等ｂｆｓｈ去友人生日會飲個ｒｏｕｎｄ就走，一齊去食野啦。

見到藝穗會的ｊａｃｋｉｅ，我們五人都與她稔熟，故她很好意地又請我地一個ｒｏｕｎｄ，不過最精警的地方是．．．

ｊａｃｋｉｅ說：”好難得一齊見到你地５個人一起”
ｈｏｎｇ就說：”唔係，係好難得你一個人肯見晒我地５個人，一齊去食野賞面嘛？”

ｊａｃｋｉｅ就係我面前說ｈｏｎｇ真懂得講說話！　　哈哈，我超認同呢！

樹

人多好辦事

尋晚炭飛專誠黎到LY搵我地食飯，我地梗係要帶佢係見下大排檔亞叔，然後就第一次四個獵人一齊上山！
因為炭飛依然係HR2，所以目標都係盡量幫佢清左佢HR2未清的野等佢快d上HR3，開頭以為應該都無咩難度，頭個隻鳥5分鐘唔夠已經歸西，諗住尋晚炭飛都上硬HR3，點知打打下先發現，原來佢實在有太多未清，時間所限尋晚佢都依然係HR2咁走...... 原先仲諗住又可以會一會上HR3前個條攔路轟龍.....

不過四條友一齊打真係好好玩，尤其打的只係HR2個d怪獸，以我地轟龍部隊的裝備根本就係超級易事，直頭係當練兵咁打！勁好玩！

如果你都要升HR，不妨約個時間，LY見！

B

轟龍笛

前兩日傾盡家裡所有怪力之種同忍耐之種再加鉄礦石先做到支35000z 的轟龍笛, 但支笛真係超正！
藍色斬味，939攻擊力，仲可以奏「聽覺保護【大】」，「体力增加【中】」，「攻擊力加強【小】」！！
加原攻擊力過千，打岩龍唔洗10分鐘KO! 琴晚仲同樹打死埋HR3一角龍, 勁呀！！

Hong