八字頭背後的無聊瑣碎事......

Thursday, March 22, 2007

骨頭對我來說.....

話說, 呢排我迷上了骨頭....

無錯, 係骨頭!! 點解? 因為我極度喜歡打psp一個game, 就係monster hunter portable 2nd, 真係日打夜打, 上車又打, 唔睇dvd都打!!!! 因個game 係打死怪獸後, 可以儲d 骨頭就用來做武器, 咁成日都想住骨頭啦~~~!! 不過因小弟係新手, 唔識儲野同有好勁武器, 咁真係打隻大野豬都死幾次... 有無高手指點下!!!

如果有人可以帶埋部機上來panic同我打就好了. heheh

Thursday, March 15, 2007

又講無線上網

最近因工作關係去左一個場地的後台位置度參觀,各樣設備都好充足的,而且地方好大,亦乾淨企理,最好係佢地的地方多到已經預埋有臨時辦公室。但係點知,去到呢度,跟住我問,臨時辦公室入面有無得無線上網?oh!答案竟然係,如果有需要的話我地可以提供一條上網線俾你的!嘩老友,你聽唔清潔我的問題喎,我係問,有無得無線上網,唔係問你可唔可以幫我拉條線黎上網呀!
我真心地覺得呢個係有實際需要的,晌而家呢個時代,同網路經常可以隨意保持聯繫根本就係好必然的事黎,唔可能將呢樣野睇成係額外安排的服務,更加無可能要安排都安排唔到囉~~我屋企四百幾蚊買舊野返黎就無線上網啦,出廳、廁所、睡房周圍都得,去小路bar上Lab Yellow都無線上網啦!

B