大榮華

多謝各位個晚大榮華的晚飯~~
雖然，講真，以呢個價錢，我覺得唔係幾抵！
不過食野從來都唔係淨係食d食物的，人物氣氛環境目的先係最重要！

唯一的遺憾係明明個晚應該可以三個人上下山，可惜最終都係無.....
哈....不過可能v就會話好彩~~

B

今天我們在一起....

今天, 7月14日, 係廣州及台灣, 都有我們的朋友開show, 台灣的echo, 廣州的是沼澤. 我們89268ers真的不可以分身去晒兩邊, 故此, 我們取近而去, 今天我們在一起去廣州, 為沼澤打氣!!!

一行十六人,仲有兩位傳媒朋友, 今晚食野時一定好熱鬧!!! 好開心!

樹

聚

好耐無三個人一齊上山，尋晚終於有機會！

我用飲酒黎形容我地一齊打monster hunter，你可以自己一個人飲，但係當你遇到會同你一齊飲的個d朋友，你就會好興奮咁即刻拎支酒出黎同佢一齊飲，唔係話一個人唔得，但係你會好珍惜個d時間！某程度上其實都係一種聯誼的工具，因為支酒，因為monster hunter有d人聚左晌一齊。
可能有d人唔打亦唔飲，可能覺得我晌度吹水都唔定，不過對於我黎講呢d係千真萬確的事實。

尋晚雖然只係打左一條電龍，但係已經好興奮，如果可以多d時間，一次過打多幾條就好，可能應該要專登約埋打先得，哈！


B

CAT姐放大假

各位CAT姐的愛載者, CAT姐會放一個星期大假, 有位PART TIME 女學生會幫手睇幾日SHOP, 有興建不妨上來認識下人. 不過如果你好好才與到我的, 都唔錯, 我開張CD 你聽過囉~~~~

凍

無聊野一單。

有日去又一城的Royal Sporting House買少少野，晌收銀處旁邊見到一男一女，男的一身運動服，一睇就知係運動健將，女的黑色背心短裙去海灘一樣，無辦法天氣熱嘛，梗係著少d啦！男的行左埋去收銀處旁邊睇Golf球棍，一支一支拎起黎試。有得試，咪扮打緊咁試下囉~~
女的就晌旁邊欣賞同等。

等等下，可能背心短裙晌冷氣場所真係有d單薄，女的同男的講話覺得凍，男的無咩理佢繼續打Golf，女的只好自己,諗辦法，周圍望下，諗掂！隨手拎起旁邊display的一件fleece就著左上身，係著上身，而唔係試身，著的方式同態度同試身係有好大分別的，係人都睇得出！直至男的大概都打完兩局之後，放低球棍女的先將件fleece除番低掛番上display的位置，都算有手尾，然後就走。

最好笑係全程收銀處的一位男職員其實都係睇到實的，我留意到佢隻眼係越張越大的，其實我都係！

佢終於令我明白點解買衫試完之後要問人地有無新的！

呢個世界咩人都有！

B

炭

尋晚再去土瓜灣的無間道後巷食炭爐邊爐，呢次終於食埋佢的燒烤，一個炭爐有個鍋，一個炭爐有個網，燒田雞、燒大蜆、燒魚扣，仲有燒司庵！今朝起身都覺得自己有炭味~~

不過個度的老闆都幾吋，但係吋得黎係好好笑的，你唔會嬲，甚至會覺得佢地都幾型。話說尋日我一個人早到，七點左右坐低就只係叫左一支青島，然後就等其他人到，等下等下等到八點幾先有第一個人黎，就晌呢個時候老闆娘走埋黎同我講：「你好叫湯底喇喎！你坐左個幾鐘先得一個friend到！係唔係架！」哈，我即時都忍唔住笑！

尋晚個度的啤酒推廣係嘉士伯，通常見到有呢d推廣，只要推廣的小姐唔特別乞人憎，推廣的啤酒亦唔係我真係飲唔到的牌子，我都總會幫襯一支的，尋日都有幫襯到，不過最後因為全部都係邦叫的，所以我地之後飲的無啦啦就變晒嘉士伯。後來推廣小姐行埋黎同我地講話佢要收工喇，請我地叫多支，ok啦，多一支都唔會飲唔到，就要啦，然後佢突然望住樹講，話樹好熟面口喎！嘩！我個心諗你收工先黎出呢d招！？點知跟住樹都話覺得呢位小姐熟面口喎！然後佢開始講喇，問樹係咪表哥..... 然後大家就「哦！」，原來佢地兩個都一齊出現過晌OASIS，而大家都識表哥！

表哥晌啤酒界真係人面超廣，去到邊都有啤酒人識得表哥！

邊個係表哥？
咪係強哥囉~~

點解佢叫表哥？
去OASIS問下啦！

B

草

早幾晚同v、樹同埋強又係去亞叔都食飯，例牌都係坐出面，其實我唔知佢地係咪都鍾意坐出面的，不過我就好鍾意，我覺得坐入面好唔舒服，坐晌街度舒服好多，可能我比較佬！同埋錯晌街邊的大排檔總係令我覺得特別有風味，尤其係香港的風味，可能係自以為啦~~

不過個晚，我覺得自己好似晌阿姆斯特丹！

正正晌我地隔離檯，有一班無上裝公仔男人，比我地早到，基本上我地到的時候佢地已經食緊，原本我一直都無理會佢地的，只係經過佢地身邊的時候覺得佢地d公仔唔夠靚，其餘就無咩。但係突然之間我個鼻聞到一d好熟識的氣味，於是我就周圍望下究竟邊度黎的，然後就見到公仔男人們傳緊一支。我突然諗點解香港會變得咁開放，當街當巷都可以......


B

耳、頭

好辛苦咁樣尋晚終於都集齊晒我要的鎧龍之延髓！
即係話我的霸龍裝已經完成！
滿心歡喜拿拿聲換套裝，但係換完之後發現，呢套裝原來以為已經有好充足的聽覺保護原來都只係得10！千里眼係無的，要自己加，另外有的就係達人，有16，仲有個叫匠的，有10，其餘就咩都無！
感覺係我都唔知自己咁辛苦做呢套裝為咩........
唯一係幾型，黑黑咁....
睇黎都係要努力d，去打黑狼鳥斬佢隻耳，做多d防音珠俾套轟龍裝實際d！
不過而家有的另一個問題係，就算我有黑狼鳥之耳都未得，因為要做到防音珠仲要一隻唔知咩蟲的頭，都唔知去邊度搵.....

即係而家繼耳、髓、毛之後，係耳、頭.....
俾我！

B

HR4都一星期了......

只有不斷的找料做勁野, 不過都幾停濟不前.

最好笑是唔識就好newsgroup問人點打, 不過d 獵人都好團結, 都說了個注意地方俾我, 等我唔駛盲摸摸去打.

我身邊除了b, hong, 外, 仲有一位朋友打, 不過就係無機會同佢約戰, 係時候要去d公家集會所同d 高手玩下, 提升我的技能.

呢度已經係一個獵人谷了...... vee無出post講佢d 開心野. 強又係無野講, 更加唔好講cat姐了.....

獵人樹

送你一張新monster frontier online 的圖片, 係轟魚裝 + 新的太刀.