下！？

尋晚返LY開會之前又去左亞叔度食飯，唔知咩事無啦啦走鬼，好地地一檔大排檔，唔開得檯晌條街度，結果全部要坐晒入去舖頭裡面，我地都唔例外。

坐晌隔離檯的係一班雄糾糾的男士，由坐低一下開始講野已經係大聲得緊要，仲要係每個人都一樣咁大聲，而大聲的程度係全部人都大聲過樹的！然後內容係超多粗口的，多的程度係比起我更多！當推廣啤酒的小姐黎到賣酒的時候，就梗係避唔開俾佢地的口花花。

「你d啤酒係凍先好呀！」
「唔會唔凍的。」
「唔凍我真係唔放過你呀！」
「下！？」
「你有無試過俾人索吻呀！？」
「下！？」
「強吻呀！我會強吻你架！」

點呀，打工嗟，賣酒嗟，駛唔駛賣埋肉呀！？你幫襯幾支啤酒俾幾多錢呀？客大晒！
最勁的係啤酒小姐都只係「下！？」幾聲，然後都係若無其事咁「咪玩啦~~」打圓場又賣一支！
我知道都係我少見多怪，不過啤酒小姐的確係勁！

敬業樂業，你得唔得先！？

下次再見到佢我都會幫襯一支，叫俾強同康飲~~
因為佢賣的係生力~~


B