打

尋晚發現村長任務出現了三粒星後的緊急任務，於是就諗都唔諗食個貓飯就去，發現原來又係死對頭雪獅子...... 大件事....

不過，尋日真係狀態大好，一次過就將佢做低左(雖然我知村長任務裡面個d係易打好多的)！

打完呢個緊急任務，村長上到四粒星，但係HR都依然仲係2，武器同裝備亦都依然係一樣無得變，因為無錢...... 我見人地有d有好多錢的，其中一個獵人話我知佢d的筆錢係人地晌玩第一集的時候搵落的，到佢玩第二集的時候就俾個save佢，連打機都有得接收遺產！？我地呢d無祖蔭的，睇黎都仲係要俾d耐性慢慢黎......

B

第三次

已經係第三次，如果無記錯的話。
尋晚，應該係我地第三次的敗陣，三個人上山死晌雪獅子手上！
其實呢隻雪獅子我之前已經殺過，但係我地都需要更多雪獅子的材料，所以明知山有獅都要偏向獅山行~~呢隻雪獅子係點都要再殺佢的，而我地三個獵人亦都係要繼續上山的，希望我地可以快d再砌好d我地的裝備........當然，如果有高人願意出手相助就最好，Lab Yellow有地方~~

B

尋找高人

尋日做東Touch的訪問，攝影師James一打開個行李就俾我望到佢部PSP，我即刻就問佢係咪Monster Hunter，結果真係，HR3，幾想叫佢打番隻雪獅子先開始做訪問！

如果你都係獵人你會知我講緊咩，但係如果唔係，可能你會唔明~~

最近當康都加入獵人行列之後，我地每次一齊食飯都先黎一次群打，但係我地三個人的力量同技術都未夠高，所以暫時都唔係幾順暢....

如果有邊位高人可以幫忙的，請聯絡我地，Lab Yellow有地方~~

B

食在廣州 !

剛過去的星期六, 日, 89268ers就去了廣州, 參加了名為"講飲講食美食團".

吃的項目如下 :

星期六 : 一下車就飲了湯, 再去飲涼茶, 再之後去了食陳添記魚皮同艇仔粥,到了下午六點就兵分兩路. 一路就係朋友工作室食外賣, 不過係好好味的外賣;另一路就去了食了牛什同魚蛋. 好啦, 夜少少, 太約8點啦, 做完事後就去了食酸菜魚的川菜, 無敵好味, 唔好俾佢停, 食完再去飲, 又叫了五打燒蠔, 好多小食咁, 燒尤魚, 石螺, 燒姑, 仲有燒雀仔咁!!!! 食完, 大伙兒就去了按摩, 玩到三點才回酒店. ZZZZzzzzzz

星期日 : 一早就去了食拉腸, 即係腸粉啦, 過了一會就去了食牛肉粉, 之後走過了去購書中心shopping, 大家一袋二袋咁. 回程去了等中港巴士時就再去了食個starbuck, 真的很肚餓啊~~~ 之後就上大巴回香港了.不過回了香港仲正, 去了狂食日本野, 又刺身, 又壽司, 又燒三文魚頭, 係狂食, 不過好開心!!!

對於我來說, 最好味的是燒蠔, 我想我食了成打!!!

肥樹