八字頭背後的無聊瑣碎事......

Monday, January 29, 2007

星期六

星期六下午返Lab Yellow其實真係好舒服,可能只係因為我無好似樹、康同v你地三位咁日日都返,所以特別覺得正!

尤其係陽光好,食完lunch,行番上去,開電腦,無線上網,做野,聽歌,直頭好似嘆世界咁~~

好似誇張左d~~ 不過正就真係事實囉!



不過樹、康同v你地的感覺可能無咁強烈,始終你地都係日日都晌度......

而家成日都想快d到星期六同希望星期六下午唔駛出去開工!





BFSH

Thursday, January 25, 2007

單人車仔麵

今日康仔sick leave, 亞樹又帶左飯
我就竟然唔記得帶阿媽愛心飯盒返工(少有得帶!!),
反正要落街拎d野,就自己去左食車仔麵做lunch.
返lab yellow咁耐, 好似都無咩試過一個人孤獨食lunch啊!

聽日又有飯帶勒! yeah!

aaveee

無線上網

尋晚晌小路吧,我無好似v咁樣諗起好多以前的野,我諗緊的係前面的野。

尋晚一去到就見到澄對住手提電腦做野,然後開會中途邦同starfruit都分別拎左佢地的mac book pro出黎,然後上網search野,然後我發現原來呢間吧係有提供無線上網服務的,心諗真係方便同舒服!

而家呢個時代,無論你拎住係手提電腦,pda、psp定電話,其實都要上網,如果周圍都可以無線上網,幾正!

然後我就諗,89268的地方都要有咁的方便先得,大勢所趨啦~~

如果個地方入面好多人都拎住自己的手提電腦晌度上網,真係幾型!






BFSH

小路吧

今晚同the darlings + starfruit 於小路吧聚頭談談公事
很久沒路過呢個以前成日會行過既小路了
想返起山林道,運通...
今日亦因為某些事情觸動左一d回憶,
其實唔多想記起, 不過始終發生過, 無得delete
轉眼好幾年
我不太懷緬以前的日子
我比較喜歡現在, 仲有將來

aaveee

Tuesday, January 23, 2007

下午茶

今日,公事關係,去左星巴克飲咖啡
一邊傾野,一杯在手,其實真係幾好feel
不過,香港既星巴克真係太多人了,
無左d閒情,多左d人在你身邊等位
而且,依然覺得價錢有d貴
偶一為之, 感覺都算幾好

aaveee

食足9日斬料

9日10場show中,我地食足9日斬料,
有叉燒, 燒肉, 雞翼等,
仲有肥樹最愛鴨頭!
不過食左9日終於第10日轉下口味,
食PIZZA!
不過之後都係繼續大排檔, 呢樣就未嫌啦!

aavee

大功告成

完成10場show, 雖然有好多野都覺得做得唔夠好,
但係都得到好多難忘片段, 我自己都好enjoy當中的表演,
又飲有跳, 幾high架!
不過, 最high都係見到康仔放下相機都跳埋一份,
就真係勁勒!

aaveee

Thursday, January 18, 2007

分工

亞康係工程亞頭,
亞樹係技術支援部主管啦,
我係庶務部主任
bfsh就係判頭啦

aaveee

工程亞頭腰骨痛!!!

話說亞康係lab yellow的場地管理, 係我口中即係工程亞頭啦, 不過近日亞頭佢腰骨痛, 適逢呢兩日又會係有d場地改裝, 我就成為了全場唯一可以爬高爬低的同事.

後生世仔就腰骨痛, 都唔知玩d咩來.

有時想下, 我成200磅, 係高空工作跌下來都幾大force!!!

:)

fattree

$10私家菜

又講食
事緣 我地在lab yellow興起帶飯食,
先係康, 然後樹, 我就有時特登要帶來同佢地睇齊
我阿媽返加拿大之後就無得帶了, 阿樹話收我$10一餐私家菜,
連我阿媽都話抵, 叫我幫趁呢..
樹, lunch預我一份, thanks!

aaveee

Wednesday, January 17, 2007

食到人地悶

講開食,我以往成日以為男人同女人其中一個最大的分別就係,男人唔介意成日食黎食去都係個幾間鋪頭,甚至只係個幾款野,但係女人就希望多變化,成日有新野食,然後有一晚同樹去正斗打邊爐,強同v後尾加入,我發現原來係錯覺黎,可能只係我自己一個唔介意。當我依然好enjoy咁講緊叫咩食的時候,樹就話,不如試下咩啦咩啦,當然講完我都覺得麻麻地,然後我地最終又係叫番豬骨煲,跟住樹話,如果唔係約左強就唔黎正斗,有d悶。然後我發現,我又係點左食慣晒的同樣個d野.......

真係唔好意思......
相信真正麻甩的只有我一個。


又講開,呢度由重新開始到而家,好似只係得食一樣野講咁樣,我地的生活好似都幾枯燥,除左食就咩都無......
我諗,我真係要買wii開始我的薩爾達生涯先得喇!



BFSH

味壽司

Panic 樓下, 月前一連開了2間日本壽司店, 我地當然有去試菜啦! 今晚同亞樹就再度去”味壽司”食飯, 其實我覺得都幾好味, d料夠足, 而且我比較喜歡小店舖, 覺得無mass production 個d 野食整得咁無heart. 不過樹就話對面北海道壽司好味d, 耐何要排隊所以無去度幫趁! 可惜, 今日無咩邊款野食寧舍難忘, 反而對”咖哩薯餅”有d失望添….
食飽…行去隔離就做我地做上癮既腳底按摩啦…不過個女師傅又令我失望添!!

我發覺, 我d口味越來越似男人, 食飽係去做按摩..點算?!

aaveee

Tuesday, January 16, 2007

食冬陰功 真陰功!

星期日晚完成工作,我提議去九龍城吃泰國人煮的泰國野!
我諗左一輪想去食, 終於找到機會要大家陪我食!
食泰國野 好多野都好辣, 但有部分我點都要硬著頭皮食,
冬陰功就係其中一味!
雖然我一邊沫鼻水一邊喝, 但依然要添湯!
泰國野食, 我其實都幾喜愛!

aaveee

Sunday, January 14, 2007

又食飄香雞

終於有機會10個人去吃飄香雞, 辣同唔辣的螺都食埋, 仲有賴尿蝦, 熱氣d都抵!
不過我覺得自己好過份,因為家事關係, 食左1餐酒樓宴之後事隔2個鐘都仲吃得咁勁,
我都有少少擔心個胃又出事...touch wood!!

aaveee

Tuesday, January 09, 2007

幸福快樂的泉源

好耐無寫blog....

想講下過去o個個weekend的show 我看得最開心係見到本身就係好好朋友o既幾隊band, 邊隊有演出, 其他的”死使”都會去撐場去幫手,做roadie又好, 茶水, 苦力又好, 都表現到”好兄弟o既真正精神! 又見到隊band無論面對多少觀眾, 觀眾反應如何, 自己都好enjoy表演o個一刻, 直頭見到佢地嘴角有微笑咁濟, 演奏出來o既音樂, 都感染到我, 令我有d幸福快樂的感覺呢…好似有d誇, 不過真係有d feel喎!

然後, 做完表演後, 就到我地另一個重點項目 – 去食飯!
每晚show前 我地幾個最胃食o既成員就一定會諗定去邊度食野, 我地3日都食大排擋, 菜式不同但同樣美味, 仲卒之去食好掛住的”飄香雞”呢…正! 又係一樣令自己好幸福快樂兼滿足o既事情!

v

Monday, January 08, 2007

話說.....

話說一個星期食了三次東風螺, 個胃有d唔舒服.... 真係.

肥樹