凍

無聊野一單。

有日去又一城的Royal Sporting House買少少野，晌收銀處旁邊見到一男一女，男的一身運動服，一睇就知係運動健將，女的黑色背心短裙去海灘一樣，無辦法天氣熱嘛，梗係著少d啦！男的行左埋去收銀處旁邊睇Golf球棍，一支一支拎起黎試。有得試，咪扮打緊咁試下囉~~
女的就晌旁邊欣賞同等。

等等下，可能背心短裙晌冷氣場所真係有d單薄，女的同男的講話覺得凍，男的無咩理佢繼續打Golf，女的只好自己,諗辦法，周圍望下，諗掂！隨手拎起旁邊display的一件fleece就著左上身，係著上身，而唔係試身，著的方式同態度同試身係有好大分別的，係人都睇得出！直至男的大概都打完兩局之後，放低球棍女的先將件fleece除番低掛番上display的位置，都算有手尾，然後就走。

最好笑係全程收銀處的一位男職員其實都係睇到實的，我留意到佢隻眼係越張越大的，其實我都係！

佢終於令我明白點解買衫試完之後要問人地有無新的！

呢個世界咩人都有！

B